طلاب الشهادة الإعدادية
لو مجموعك مجبش ثانوي عام تعمل ايه ؟
متقلقش هتدخل ثانوي عام حكومي في نفس المدرسه اللي كنت عاوزها او في مدرسة جنبها. بس اسمها ثانويه عام خدمات و المصاريف بتبقي اكتر شويه بتحددها الوزارة كل سنة
وفي كمان ثانوي منازل :
ايه الفرق بين الثانوي العام والمنازل والخدمات ؟
- (الثانوي العام ) : لابد أن يحصل الطالب علي مجموع في الاعدادية يؤهله للالتحاق بها وفقا لقرار محافظته ويكون الطالب منتظم في المدرسه يعني بيروح المدرسه ويحضر وكدا
- ( المنازل ) : في حالة إذا لم يحصل الطالب علي مجموع كبير في اعدادي بيقدم بقا للمنازل ويحضر فقط أيام الامتحانات يعني مش بتروح المدرسه وتحضر لا بتروح دروسك بس وتذاكر وتروح المدرسه ايام الامتحانات زي 3 اعدادي كدا مكنتوش بتروحو المدرسه صح وروحت علي الامتحانات بس؟
المنازل بقا نفس الموضوع وبيبقي نفس المنهج ونفس الامتحانات وليك نفس الكليات عادي جداً
الفرق الوحيد بيكون في المصاريف وانك مش بتروح تحضر في المدرسه بتروح أيام الامتحانات فقط
- ( الخدمات ) : هو طالب يلتحق بالثانوي العام فترة مسائية بمصروفات وطبعا نفس كليات الثانوي العام ونفس التنسيق عادي جداً
إيه الفرق بين الثانوى العام - المنازل - الخدمات ؟
زي مقولتلك مفيش اي فرق نفس المنهج ونفس الامتحانات وليك نفس الكليات في الاخر عادي جداً الفرق بيكون في المصاريف والحضور فقط.
هل يكتب فى شهادة إتمام الثانوية العامة نظام الثانوى العام - المنازل - الخدمات ؟
لا يكتب بالشهادة نظام الثانوية العامة يعني بعد اما تخلص 3 ثانوي مش هيتكتبلك انك كنت خدمات هيتكتبلك ثانوي عام لكن المنازل بس هيتكتب في استمارة النجاح ( منازل )
هل يحق لطالب الثانوية الخدمات أو المنازل الالتحاق بنفس الكليات ؟
يحق لطالب الثانوية العامة نظام الخدمات أو المنازل الالتحاق بنفس الكليات التى يلتحق بها طالب الثانوية العامة ولا يوجد فرق نهائيًا زي مقولتلك الفوق الوحيد بين ال 3 هو المصاريف والحضور في المدرسه فقط لا غير
ويستثني طلاب المنازل من الالتحاق بالكليات العسكرية وكلية الشرطة ودي يبقي ليها تنسيق لوحدها غير مكتب التنسيق العادي
هل يختلف تنسيق الكليات ؟
لا يختلف تنسيق الكليات فالتنسيق واحد لجميع طلاب الثانوية العامة أو الخدمات أو المنازل ف التنسيق واحد والكليات واحده مفيش اي فرق
هل طلاب الثانوى العام المنازل - الخدمات يحصلون على تابلت ؟
طلاب الثانوية المنازل لا يحصلون على تابلت والامتحانات بالنظام الورقي ، أما طلاب الخدمات يحصلون على التابلت وامتحاناتهم على التابلت زي الثانوي عام العادي
هل يختلف نظام امتحان إتمام الثانوية العامة بين نظام الثانوى العام - المنازل - الخدمات ؟
امتحانات اتمام الشهادة الثانوية العامة الي هو 3 ثانوي يعني بيكون ورقى للجميع سواء ثانوية عامة عادي أو خدمات أو منازل.
الخلاصة
اطمن حتي لو مجبتش مجموع ثانويه عامه في محافظتك خش ثانويه عامه خدمات او منازل وزي ما قلتلك مفيش اي فرق نفس المنهج نفس الامتحانات نفس التنسيق في 3 ثانوي نفس الكليات نفس كل حاجه الفرق بيكون في المصاريف والحضور في المدرسه مصاريف المنازل والخدمات بتبقي اكتر من العادي
العام بيروح مدرسه ده اكيد
الخدمات بيروح المدرسه بس مسائي
المنازل مش بيروح خالص غير أيام الامتحانات
ولكن أكررها
نفس المنهج سواء ادبي او علمي نفس الامتحانات نفس تنسيق 3 ثانوي وليهم نفس الكليات .
مدارس تمريض العسكرى
ردحذفبس سمعت ان المنازل مينفعش يلتحق بها إلا بعد مرور سنة من حصوله على الاعدادية
ردحذف